Einnig er hægt að panta borð í síma 482 4099

Bóka gistingu

01.10 2018

Menam - tímamót

Í gær, sunnudaginn 30. september var síðasti starfsdagur Menam í þeirri mynd sem hann hefur verið rekin síðustu 21 ár. 

Þeir aðilar sem tóku við rekstrinum nú í sumar keyptu ekki vörumerkið "Menam" en fengu að nota nafnið og reka Menam fram á haustið meðan þau undirbjuggu breytingar á staðnum því ekki þótti skynsamlegt að breyta um matseðil og nafn á miðri sumarvertíð. 

Á laugardaginn kemur (6. október) mun því opna nýr og efnilegur veitingastaður í húsnæðinu að Eyravegi 8 - VEITINGASTAÐURINN KRISP - sem leggur áherslu á ferska nálgun á hollusturéttum fyrir fjölskylduna.

Margir hafa spurt - hvað verður um Menam og matinn sem hefur þar verið framreiddur síðustu 20 ár?  Mun Menam hætta starfsemi endanlega?

Svarið við því er líklega nei - við sem eigum "Menam" vörumerkið erum að skoða hvaða möguleikar eru í stöðunni.  Við höfum verið að skima eftir hentugu húsnæði á Selfossi með það í huga að opna á nýjum stað með breyttu sniði - leggja áherslu á hraða og góða þjónustu í hádeginu og "take away" á kvöldin.    

Næstu dagar og vikur munu því skera úr um það hvort og þá hvernig Menam mun eiga framhaldslíf....

Fylgist með á þessum vettvangi!

....

Umsagnir

Veitingahúsagagnrýnendur Gestgjafans:


Kjartan Ólafsson:

"stór og mikill matseðill"
"kofaréttirnir týndust á borðið ... brakandi ferskir og með sérlega góðu, fersku og vel elduðu grænmeti"
"kjúklingurinn var sérlega góður í bambussósu"
"lambið var einstaklega gott með frábæru karríbragði"
"eldamennskan...framkallaði ferskleika í bragði og áferð"
"þjónustan var fín á Menam. Hlýleg, persónuleg og látlaus undir styrkri stjórn eigandans"
"vel tekið á móti gestum"
"notalegt og óstressað andrúmsloft"
"segja má að staðurinn flokkist undir mjög góða matstofu í mjög svo jákvæðri merkingu þess orðs"
"tekist hefur að skapa fínt og notalegt andrúmsloft"
"klárlega er Menam á Selfossi með allra betri stöðum á Íslandi sem setja fókusinn á asíska matargerð"
"gaman að slíkur staður skuli vera utan höfuðborgarsvæðisins"
"ég vil mæla sérstaklega með staðnum sem fjölskyldustað ... allir ættu að geta fundið eitthvað við sitt hæfi"
"staðurinn er ekki að reyna að vera annað en hann er og er það vel"
"snyrtimennska í hvívetna"
"hlakka til að mæta aftur og þá með alla fjölskylduna"

Úlfar Finnbjörnsson:

"risastór matseðill ... þar ættu allir að geta fundið eitthvað við sitt hæfi"
"núðlusúpan ... var full af grænmeti og núðlum ... var hin ágætasta"
"heilsurétturinn ... núðlurnar voru vel eldaðar og kjúklingurinn mjúkur og bragðgóður"
"rétturinn var ... drellifínn"
"kjúklingur í cashewhnetum ... var vel eldaður ... í heild var rétturinn ljómandi góður"
"djúpsteikt ýsa með frönskum og sósu var eins og hún á að vera ... ýsan var fersk, hjúpurinn stökkur og allt meðlætið gott"
"vinalega og brosandi þjónustustúlka tók vel á móti okkur"
"þjónarnir ekki sprenglærðir en áhugasamir og vildu allt fyrir okkur gera"
"Veitingahúsið Menam kom mér skemmtilega á óvart"
"Húsið sjálft er snyrtilegt og fallegt, þjónustan fín, maturinn góður og vel úti látinn og á góðu verði"
"Ég átti reglulega góða kvöldstund á Menam og á eftir að koma þangað aftur"

 

 

Jónas Kristjánsson matrýnir í DV:

"Menam"

Menam að baki hótelsins á Selfossi er einn af kannski tveimur stöðum utan Reykjavíkur og Akureyrar, þar sem hægt er að fá frambærilegan mat. Hér er snætt við vönduð húsgögn undir austrænum skreytingum og myndum af konungshjónum Taílands. Þetta er blanda af taílenzkum og alþjóðlegum stað með sérstökum heilsumatseðli, þar sem er nær engin fita, takmarkað salt og sykur og náttúruleg krydd leysa tilbúin krydd af hólmi.

Þarna kosta seríur af taílenzkum réttum 1700-1900 krónur. Á 1800 króna svokölluðum B-seðli var sterkt lambakjöt í karrí, svínakjöt með kasjú-hnetum, djúpsteiktar rækjur og milt pönnusteikt grænmeti með hrísgrjónum. Þetta var mun betur matreitt en á hefðbundnum Asíustöðum í Reykjavík."


Úr öðrum dómi Jónasar:

"Yfirstéttahús á undirstéttaverði

Frambærileg veitingahús fyrir fólk með venjuleg fjárráð eru einkum tvö á Íslandi. Hvort tveggja er í Kvosinni og færir okkur framandi matreiðslu frá fjarlægum Austurlöndum. Annað er Kínahúsið við Lækjargötu og hitt er Maru við Aðalstræti. Það fyrra færir okkur matreiðslu frá Singapúr og hið síðara frá Japan.
Fimm komust nálægt því að lenda í þessu úrvalsliði ódýrra veitingahúsa, Fiskur Gallerí í Árbæjarhverfi, Tilveran í Hafnarfirði, TexMex í Listhúsi, Jómfrúin við Lækjargötu og Menam á Selfossi. Á nútímamáli menningarverðlauna mætti segja, að þessi fimm hús hafi náð tilnefniningu, en fyrrnefndu tvö hafi fengið verðlaunin."


Úr "Rough guide to Iceland" - mest seldu ferðamannabók um Ísland:

"...don´t miss Menam - a Thai gem...."

MENAM | Eyravegur 8 | Sími: 482-4099 | menam@menam.is |  Menam á Facebook