Einnig er hægt að panta borð í síma 482 4099

Bóka gistingu

01.10 2018

Menam - tímamót

Í gær, sunnudaginn 30. september var síðasti starfsdagur Menam í þeirri mynd sem hann hefur verið rekin síðustu 21 ár. 

Þeir aðilar sem tóku við rekstrinum nú í sumar keyptu ekki vörumerkið "Menam" en fengu að nota nafnið og reka Menam fram á haustið meðan þau undirbjuggu breytingar á staðnum því ekki þótti skynsamlegt að breyta um matseðil og nafn á miðri sumarvertíð. 

Á laugardaginn kemur (6. október) mun því opna nýr og efnilegur veitingastaður í húsnæðinu að Eyravegi 8 - VEITINGASTAÐURINN KRISP - sem leggur áherslu á ferska nálgun á hollusturéttum fyrir fjölskylduna.

Margir hafa spurt - hvað verður um Menam og matinn sem hefur þar verið framreiddur síðustu 20 ár?  Mun Menam hætta starfsemi endanlega?

Svarið við því er líklega nei - við sem eigum "Menam" vörumerkið erum að skoða hvaða möguleikar eru í stöðunni.  Við höfum verið að skima eftir hentugu húsnæði á Selfossi með það í huga að opna á nýjum stað með breyttu sniði - leggja áherslu á hraða og góða þjónustu í hádeginu og "take away" á kvöldin.    

Næstu dagar og vikur munu því skera úr um það hvort og þá hvernig Menam mun eiga framhaldslíf....

Fylgist með á þessum vettvangi!

....

Gistiheimili

Á efri hæð MENAM er lítið gistiheimili sem rúmar allt að 8 manns. Þar er áhersla lögð á rólegt og notalegt umhverfi. Um er að ræða fjögur tveggja manna herbergi.

Herbergin eru rúmgóð en hlýleg og á hæðinni er sameiginleg setustofa og baðherbergi. Tilvalið gistirými fyrir litla hópa eða einstaklinga sem vilja vera miðsvæðis á Selfossi en kjósa ódýran og þægilegan gistikost.

Tveggja manna herbergi kostar:

8.900,- nóttin fyrir herbergið (15. sept - 1. júní) 

14.900,- nóttin fyrir herbergið (1. júní - 15. sept).

Athugið að verðið miðast við herbergi, ekki einstaklinga. Við bjóðum ekki upp á svefnpokaaðstöðu né morgunverð.

Gistiheimilið er opið á sömu tímum og veitingastaðurinn MENAM. Sé þjónustu óskað utan þess tíma er gestum bent á að hringja í aðalnúmer, 482-4099.

 

Herbergin eru rúmgóð en hlýleg

 

Á hæðinni er sameiginleg setustofa

MENAM | Eyravegur 8 | Sími: 482-4099 | menam@menam.is |  Menam á Facebook