Einnig er hægt að panta borð í síma 482 4099

Bóka gistingu

01.10 2018

Menam - tímamót

Í gær, sunnudaginn 30. september var síðasti starfsdagur Menam í þeirri mynd sem hann hefur verið rekin síðustu 21 ár. 

Þeir aðilar sem tóku við rekstrinum nú í sumar keyptu ekki vörumerkið "Menam" en fengu að nota nafnið og reka Menam fram á haustið meðan þau undirbjuggu breytingar á staðnum því ekki þótti skynsamlegt að breyta um matseðil og nafn á miðri sumarvertíð. 

Á laugardaginn kemur (6. október) mun því opna nýr og efnilegur veitingastaður í húsnæðinu að Eyravegi 8 - VEITINGASTAÐURINN KRISP - sem leggur áherslu á ferska nálgun á hollusturéttum fyrir fjölskylduna.

Margir hafa spurt - hvað verður um Menam og matinn sem hefur þar verið framreiddur síðustu 20 ár?  Mun Menam hætta starfsemi endanlega?

Svarið við því er líklega nei - við sem eigum "Menam" vörumerkið erum að skoða hvaða möguleikar eru í stöðunni.  Við höfum verið að skima eftir hentugu húsnæði á Selfossi með það í huga að opna á nýjum stað með breyttu sniði - leggja áherslu á hraða og góða þjónustu í hádeginu og "take away" á kvöldin.    

Næstu dagar og vikur munu því skera úr um það hvort og þá hvernig Menam mun eiga framhaldslíf....

Fylgist með á þessum vettvangi!

....

Matreiðslumaður óskast - eða manneskja mjög vön í eldhúsi

 

Matreiðslumaður, eða manneskja mjög vön í eldhúsi, óskast til starfa á Veitingastaðnum Menam á Selfossi.

MENAM er thailenskur/alþjóðlegur veitingastaður þar sem aðal áhersla er lögð á fyrsta flokks hráefni og alúðlega þjónustu í notalegu umhverfi. Hjá okkur starfar fólk bæði af thailenskum og íslenskum uppruna sem tryggir það besta sem völ er á í okkar matargerð.

 

MENAM var stofnað árið 1997 og hefur verið í eigu sömu aðila síðan 1999.

Viðkomandi þarf að vera metnaðarfullur, jákvæður og með mikinn áhuga fyrir fjölbreyttri matargerð.

 

Getum útvegað húsnæði sé þess óskað.

Nánari upplýsingar veitir Kristín í síma 898-1893. Umsóknir sendist á netfangið menam@menam.is.

MENAM | Eyravegur 8 | Sími: 482-4099 | menam@menam.is |  Menam á Facebook